වර්තමානයේ ලංකාවෙහි උද්ගතව පවතින දැඩි ආර්ථික තත්ත්වය හේතු කොට ගෙන සියලු පුද්ගලයන්ගේ ආර්ථික තත්ත්වයන්ට දැඩි බලපෑමක් සෘජුවම එල්ල වී ඇත. එය හේතු කොට ගෙන අධ්‍යාපන ලබන දරුවන්ට ඔවුන්ගේ අධ්‍යාපන කටයුතු ඉදිරියට කරගෙන යාමට විශාල බාධාවන් වී ඇත.   මෙම කාලය තුළි බොහෝ පවුල්වල ආහාර අවශ්‍යතා සපුරා ගන්නේ ඉතාමත් අපහසුවෙන් බව සියල්ලන්ම දන්න දුක්ඛිත කාරණාවකි. දැඩි ආර්ථික අපහසුතා හමුවේ අධ්‍යාපනය ලබන බොහෝ දරුවන්ට මේ කාලයේ පවතින  තවත් එක් ප්‍රධාන ගැටළුවක් වන්නේ පාසලට පැමිණීමට පාවහන් යුගලයක් නොමැතිවීමයි. මේවන විට ලංකාවේ පාසල් පාවහන් යුගලයක් ඉතාමත් මිලෙන් අධික වී ඇත. බොහෝ ආර්ථික අපහසුතා ඇති පවුල්වලින් ඔවුන්ගේ මාසික ආදායමෙන් හතරෙන් එකක් වත් සපත්තු මිලදී ගැනීමට වැය කළ යුතු වේ. දරුවන් කිහිප දෙනෙක් සිටී නම් එම තත්ත්වය ඉතාමත් ගැටළු සහගත තත්ත්වයක් බවට පත් වී ඇත. ආර්ථික අපහසුතා හේතුවෙන් පාසල් ගමන අඩාල වන දරුවන් අතර ඉදිරියේදී වෛද්‍යවරුන්, ඉංජිනේරුවන්, මහාචාර්යවරුන් ,ලෝක පූජිත ක්‍රීඩකයන් ආදී මේ රටට විශාල කීර්තියක් අත්කර දීමට සමත් දරුවන් සිටිය හැක. මෙවැනි ආර්ථික තත්ත්වයක් හේතු කොට ගෙන දක්ෂ දරුවන් අපට අහිමිවෙනවා නම් එය අපේ මෙන්ම මේ රටෙහි අභාග්‍යයට හේතු වේ.

මේ තත්ත්වයන් හමුවේ අප කළණමිතුරු කණ්ඩායමේ හිතවත් ගයාන් මහතාට ඇතිවුණු සිතිවිල්ලක් මත හා තුසිත රාජපක්ෂ මහතාගේ මෙහෙයවීමෙන් දෙස් විදෙස්හි වෙසෙන අපගේ කලණ මිතුරු කණ්ඩායමේ පිරිස විසින් මෙම උතුම්  පරිත්‍යාගය අහිංසක අපගේ  දු පුතුන් වෙනුවෙන් සිදු කෙරිණි.